Կազմվել է մոլորակի մեծագույն ուղեղների ցուցակը

Super Scholar կազմակերպությունը, որը գնահատում է սովորողների ինտելեկտուալ մակարդակը, կազմել է այժմ ողջ, ամենաբարձր IQ մակարդակ ունեցող մարդկանց ցուցակը: Այս մասին հաղորդում է El Mundo-ն: Այդ ցուցակում են գիտնական Սթիվեն Հոքինգը, Microsoft-ի հիմնադիր Փոլ Ալենը, շախմատիստ Գարրի Կասպարովը և ուրիշներ:

Փորձագետները նշում են, որ ցուցակում չկան վերին և ստորին տեղեր, քանի որ ինտելեկտի գնահատականը սուբյեկտիվ երևույթ է: Հասկանալի չէ՝ որն է ավելի կարևոր՝ IQ-ն, թե իրական ձեռքբերումները: 

Փաստն այն է, որ Հոքինգի IQ-ն 160 բալ է, նրա հաշվին առնվազն 14 մրցանակներ ու 7 գրված գրքեր են: 

Համաձայն Գինեսի ռեկորդների գրքի՝ աշխարհում ամենամեծ IQ-ն ունի Կիմ Ունգ-Յոնգը, ով իր ամբողջ կյանքը նվիրել է ֆիզիկայի ուսումնասիրությանը: 

«Այդ վունդերկինդը սկսել է խոսել 6 ամսականում, 3 տարեկանում խոսել է 4 լեզուներով: 16 տարեկանում Կիմ Ունգ-Յոնգն ԱՄՆ-ում պաշտպանել է ֆիզիկայի ասպարեզում իր դիսերտացիան»,- ասվում է հոդվածում:

Իսկ ահա Ռիկ Ռոսները (IQ-ն՝ 192) աշխատել է որպես շվեյցար, մատուցող և մոդել, քանի դեռ հեռուստատեսությունում չի ստանձնել սցենարիստի աշխատանքը: 

Գարի Կասպարովի IQ-ն 190 բալ է: Թերթը նշում է, որ Կասպարովը երկար ժամանակ եղել է շախմատի աշխարհի չեմպիոն, ինչպես նաև իր թեկնածությունն է առաջադրել Ռուսաստանի նախագահական ընտրություններում: 

Հետազոտության հեղինակները նշում են, որ ներկա դրությամբ Երկրի բնակչության 0,5 %-ը 140 բալից ավել IQ ունի: Սովորական ցուցանիշը 90-110 բալ է:

Հարցեր, պատասխաններ, մեկնաբանություններ